La Encartada Museoa ez da ohiko museoa, eta inolako konplexurik gabe sar liteke Europako museorik bitxienen artean. Museo bihurturiko fabrika gutxitan bisitatu ahal izango duzu langileen etxebizitza-eraikina edo haien seme-alaben eskola, eta La Encartadan lan egiten zuten beharginen bizimodua bertatik bertara bizi.

​

Gunean sartu bezain laster, nostalgiak harrapatuko zaitu, eta, ziurrenik, ez da desagertuko bertatik joan arte; beraz, goza ezazu harekin, noizean behin malenkonia-izpiren bat ez baita gaizki etortzen ;)

​

Duela 25 urte eskasera arte, fabrika bete-betean egon zen lanean, eta Euskadiko industria-iraultza bultzatu eta azkartu zuten fabriketako bat izan zen.

​

XIX. mendean sortu zenetik, eraikinak eta makineria beren horretan mantendu dira; izan ere, bisitan bertan gidariak azalduko digunez, museoko makinen erdiak ibili badabiltza, zaintza egokiari eta berezko kalitateari esker.

​

La Encartada Museoak aho bete hortz utziko zaituzten sekretu eta bitxikeria gehiago ditu ezkutuan: zer dela eta ez zuten erabiltzen inguru honetan honen ugaria den ardi latxaren artilea? Nolako garrantzia izan zuen Kadagua ibaiak lantegirako?

​

Galdera horien eta beste askoren erantzunak gidariak emango dizkizu bisitaldian. Zur eta lur geratuko zara, ziur!

Lidia, 34 Tarragona