Nerbioiko Jauzia Iberiar Penintsulako ur-jauzirik handiena da. 270 m-ko garaiera du eta Santiago Mendiko Natura Monumentuan dago, Bizkaiaren eta Burgosen arteko mugan.

​

Urak Delikako haitzartean behera egiten du, salto ikaragarria sortuta.

Udako hilabeteetan, ur-jauzia lehor egoten da edo oso ur gutxirekin, ia ikusezin. Halere, Nerbioiko Jauziko paisaia ikaragarri polita da eta merezi du bisitatzea.

​

Ur-jauziaz gozatzeko, bi aukera daude: behatoki batetik ikus daiteke, Nerbioiko Behatokitik (goitik); edo, ibilaldi txikia eginda, ura erortzen den lekuraino joan eta jauzia azpitik mirets dezakegu. Bi lekuetako batek ere ez dizu hutsik egingo.

​

Ibilaldia Delikako haitzartean barrena (ur-jauzia azpitik ikusteko).

​

Delikako haitzartean mendi-ibilbide polita topatuko dugu, ibaian behera, ur-jauziraino. 7 km-ko ibilbidea (joan-etorria) da, Delikatik haitzartearen azpiko aldean barrena, haritz eta pago artean.

​

Neguan edo prezipitazio handien garaian ezin da joan; gainontzean, ura harrien arteko zuloetan behera sartzen da eta agerian uzten du ibaiaren ibilgu bihurria. Horrela, bidezidorrean behera ibil daiteke, batzuetan ibaiaren alde batera eta besteetan bestera.

​

Haitzartearen amaierara iritsi ahala, ur-jauziaren azpialdeko haitz handiak ikusiko dituzu. Arazorik gabeko ibilbidea da, baina bertatik bertara ikusi nahi baduzu (ikuspegiaz gozatzeko, nahitaezkoa ez bada ere), amaieran haitzetan gora egin beharko duzu.

​

​

​

"INOIZ IKUSI DUDAN GAUZARIK LILURAGARRIENA"

Amaia Nuñez