Burdin Hesia tropa frankistak Bilbon sar daitezen ekiditeko eraiki zen 80km-ko hesia zen. Bertan, bunker, tunel eta trintxerak kokatzen ziren eta nahiz eta hesi hau eraikitzeko baliabide fisiko eta ekonomiko asko erabili, uste baino lehenago erori zen.

​

 

TRAIDORE BAT ERREPUBLIKAR BANDOAN

​

Frankoren tropak Bizkaira heldu zirenean gotorlekua bukatu gabe egoteaz gain, diktadoreak aldez aurretik ezagutzen zituen hainbat ahulgune zituen. Burdin Hesia diseinatu zuen Goicoechea ingeniaria izan zen gotorlekuaren plano guztiak hartu eta bandoz aldatu zena, Errepublikari traizionatuz. Goicoechearen istorioa jakinda…¿Nork daki ahulgune horiek gaitzustean diseinatu ez ote ziren?

​

​

BURDIN HESIAREN LEHENENGO IBILBIDEA

​

Gaur egun, Burdin Hesiko trintxera eta bunker asko mantentzen dira, baina Laudio izan da ondare historiko garrantzitsu honi balioa eman dion lehenengo udalerria.

​

Laudioko Burdin Hesiko ibilbidea Ermuko Andre Mariaren Santutegitik irteten da. Oso ondo seinalizatuta dagoen ibilbide zirkularra da. Guztira 8km pasatxo ditu, horietako 5km gotorleku ospetsuari dagozkionak. Paisaia-inguru ikaragarri batetik igaroko zara eta goiz altzatzea gustuko baduzu, orkatz batekin topatzeko aukera izango duzu.

​

Ibilbidean zehar karegile, kirikiñausi edota izoztegiak bezalako eraikuntza bereziak aurkituko dituzu, herritarrentzako zein garrantzitsuak izan ziren helaraziko dizuten interpretazio panelekin batera.

​

Ermuko Andra Mariren Santutegia bera harrituko zaitu, baita Santa Luziaren ermita ere. Ermuko Andra Marin gainera, ura edateko iturri bat dago. Ah! Eta urari buruz hitz egiten hari garela…tradizioak esaten duenaren arabera, haginetako minik eduki nahi ez baduzu, ezin zara ahaztu Santa Luziako ermitan ura hartu eta gertu dagoen Santa Apolonia ermitara eramateaz.

​

​

IBILIBIDEAREN INGURUKO INFORMAZIOA

​

Distantzia: 8,6km

Malda: 524m

Zailtasuna: Baxua