Jaturabeko arroilatik Arrikrutzera hurbiltzen bazara kobazuloan aurkituko duzunaren arrasto bat izango duzu: mundu karstiko bat irekitzen da zure begien aurrean, literalki amiltzen den errepide zorabiagarri batetik sartzen zaren leku bat. Arroila honek Gipuzkoako haran urrunenetako bat ezkutatzen du, eta horregatik gerrillari karlistentzako aparteko aterpe bihurtu zen eta Gerra Zibilean kontrabandisten korridore izan zen.

 

Oñati eta Arantzazuko Santutegiaren erdibidean, Aizkorriko mendilerroaren bihotzean, gure kobazuloa aurkituko dugu, gainjarritako 6 solairutan banatutako ia 15 kilometroko galeriako lurpeko labirintoa. Estalaktitak, estalagmitak... denborak, Aldaola eta Arantzazu lurpeko ibaiekin batera, kobazuloa lurpeko benetako katedral barroko bihurtzen duten forma ezinezkoak sortzen joan da.

 

Eguraldia orain baino askoz ere hotzagoa zenean, Arrikrutz aparteko aterpea izan zen leku horietan bizi ziren animalientzat, horren froga da haitzuloetako lehoi baten hezurdura eta barruan aurkitu diren hartz-aztarnategia.

​

Gaur kobaren galerietako bat bisita dezakegu, 390 metro inguruko luzera du eta 55 metro jaisten da. Bisita publiko guztientzako egokia da, nahiz eta abenturazaleenentzako bisitak ere eskaintzen diren. Hauxe zure kasua bada, joan aurretik zein egunetan eskaintzen diren jakitea gomendatzen dizugu. Aldiz, nahi duzuna familia abentura bada, etxeko txikienentzat bereziki pentsatutako bisitak ere badaude.

​

ARRIKRUTZ INTERPRETAZIO ZENTROA

Aizkorri - Aratz parke naturalaren karsta, Oñatiko historia espeleologikoa edo egun Arrikrutzen bizi diren animaliei buruz gehiago jakin nahi baduzu, bisitarientzako harrera zentrora joatea gomendatzen dizugu, non jakin nahi duzun guztia azalduko dizuten. 

​

KONTRABANDISTAEN IBILBIDEA

​

Arrikrutz kobazulorako bisita Gipuzkoako paisaia karstikoenetan zehar oinezko ibilbide batekin osatu nahi baduzu, Kontrabandisten Ibilbidea gomendatzen dizugu, orain dela urte batzuk kontrabandistek era guztietako salgaiak igarotzen zituzten bidezidor berberak zeharkatuko dituzu.